© 2018 Antonio do Nicho

Antonio do Nicho

Viño artesán

O ano 2018 foi complicado, no mes de Maio unha tormenta de sarabia arrasaba con máis do 50% da colleita. Polo tanto, ano de maduración tardía que lle da un toque especial ao viño. As uvas nacen na Ribeira Sacra, na finca “A Mingona”, na ladeira do Miño en San Fiz (Chantada). Traballo exhaustivo e respectuoso na viña. En adega, elaboración totalmente artesanal, maceración de 7 días, fermentación espontánea e controlada. Doses mínimas de sulfuroso e tres meses de repouso en botella.

          Mestura de Mencía con Garnacha vinificadas por separado. Colleita limitada de 720 botellas.

Non buscamos sabores, somos fieis ó que nos dá cada ano a nosa viña, así de natural.

Que aproveite!!

(Recomendamos servir entre os 16 e 18 graos)

 

#somosviticultores

Fotografías Lucía Cereijo Fotografía

- A nosa maneira de facer as cousas -

A terra que nos viu nacer non merece un futuro incerto, e nós temos que ser capaces de poñer o noso pequeno gran de area. Este é un proxecto moi cativo pero cheo de ilusión e gañas de traballar no entorno que máis nos gusta. É difícil facer viño nestas terras, pero é fermoso ter diante este reto i esta paisaxe que anima a conservala. Nós non lle botamos herbicida á ribeira, cunha pequena "renda", e a axuda dos nosos soutos baixamos folla para facer abono orgáncio. Deste xeito os soutos quedan limpos, a Mingona está sana, e o rural non morre!!

This site was designed with the
.com
website builder. Create your website today.
Start Now